Samsung kompaniyasi robot, dron va virtual reallik sistemalarini yaratish bilan shug‘ullanmoqchi

Samsung kompaniyasi IT-bozoridagi istiqbolli yo‘nalishlarga aloqador tadqiqot va ishlab chiqarish bilan shug‘ullanuvchi maxsus guruh tuzgani haqida ma’lum qildi.

Yangi guruhga Samsung mobil biznezining rahbari Shin Yong-Kyun boshchilik qiladi. Guruh innovasion biznes-loyihalar bilan shug‘ullanadi. Ularning orasiga virtual reallik sistemasi, avtomat uchuv qurilmalari, 3D-printerlar, robotlar va avtopilotli avtomobillar kiradi.

Guruhning yaratilishiga asosiy sabablardan biri so‘nggi vaqtlarda kompaniya smartfonlariga bo‘lgan talabning kamayishi bo‘ldi. Bundan tashqari, elektronika bozorida ham kompaniyaning ishlari havas qilarli daraja emas.

Manba: www.kun.uz