Yaponiyada robot-bo‘rilar yirtqichlarni qo‘rqitish bilan shug‘ullanmoqda

^{Kadr: YouTube}
Yaponiyalik olimlar qo‘ylar suruviga hujum uyushtirib kelgan ayiqlarga qarshi kurashish uchun robot-bo‘rilarni yaratdi. Ixtiro tasvirlangan video YouTube’dagi Wonderful Universe kanaliga joylashtirilgan.

Robot o‘zining tashqi ko‘rinishi bilan bo‘rini yodga soladi. U boshini qimirlatishi, ko‘zlarini pirpiratishi mumkin, harakatni payqagan vaqtida esa uning ko‘zlari qizil bo‘lib yonadi va robot bo‘ri kabi uvullab ovoz chiqaradi.

70 donadan iborat bo‘rilarning birinchi partiyasi Takikava shahri mahalliy fermerlari tomonidan sotib olingan.