Superpauerbank! 5000 ta smartfonni quvvatlay oladi (foto)

^{Foto: «Gizchina»}
Hozir ko‘pchilik ishlatayotgan portativ akkumulatorlar, ya’ni pauerbanklarning sig‘imi nari borsa 10 000 milliamper-soatga teng — smartfonni 2–3 marta quvvatlash uchun yetadi. Xitoylik bir ixtirochi «maydalashib» o‘tirmay, bira yo‘la bundan 27 ming karra kuchli paeurbankni taqdim etdi — 270 000 000 mAs!

^{Foto: «Gizchina»}
Ixtirochi (ijtimoiy tarmoqlarda Manual Geng niki ostida faoliyat yuritadi)ning aytishicha, pauerbank 5 mingtagacha smartfonni (akkumulator sig‘imi — 3000 mAs) quvvatlay oladi. Bir paytning o‘zida pauerbankka 60 tagacha qurilmani ulasa bo‘ladi, yozmoqda «Gizchina».

^{Foto: «Gizchina»}
Smartfonlar bilan birga, istalgan elektronikani pauerbankka ulash mumkin. Yuqoridagi suratda ko‘rinib turibdiki, ulkan ko‘chma batareya televizor, hatto kir yuvish mashinasini ham «ko‘tara oladi».

Ixtirochi superqurilmani yasashga qancha puli ketganini yozmagan.