Давлат идораларида янги “Мажлисларни бошқариш” тизими жорий этилади

Ўзбекистонда давлат органлари фаолияти самарадорлигини ошириш мақсадида махсус электрон платформа – “Мажлисларни бошқариш” тизими ишга туширилади. Бу ҳақда UzA хабар берди.

Маълум қилинишича, ҳозирги вақтда амал қилаётган “Маҳаллий давлат ҳокимияти тўғрисида”ги Қонун (1993 йил) замон талабларига тўлиқ жавоб бермай қолган. Шу боис унинг янги таҳрирдаги лойиҳаси ишлаб чиқилади.

Шунингдек, 2026–2030 йилларга мўлжалланган давлат бошқарувини номарказлаштириш стратегияси тайёрланиши ҳам режалаштирилган.