«Uzreport TV» дастурларни тарқатишни вақтинча тўхтатди

2017 йил 3 июндан «Uzreport TV» теледастурини Ўзбекистон Республикасида рақамли форматда тарқатиш вақтинча тўхтатилган. Бу ҳақда «Радиоалоқа, радиоэшиттириш ва телевидение маркази» давлат унитар корхонасига таяниб Кун.уз маълум қилди.

Хабарда айтилишича, бунга «Uzreport» ахборот агентлигининг теледастурини тарқатиш хизматларини кўрсатиш бўйича 2017 йил апрель-май ойлари учун қарздорлик юзага келгани сабаб бўлган.