Тарихи италиялық автомобиль бренді Itala 92 жылдық үзілістен кейін қайта жаңғырды. Жобаның техникалық бөліміне Ferrari-дің бұрынғы техникалық директоры Роберто Федели жауапты болды. Бұл бастама соңғы 20 жыл бойы қытайлық автомобильдерді Еуропа нарығына бейімдеп келе жатқан DR Automobiles компаниясының кеңейту стратегиясы аясында жүзеге асырылуда. Бұл туралы Autocar.co.uk хабарлайды.
Турин автосалонында таныстырылған алғашқы заманауи Itala 35 моделі GAC Trumpchi GS3 негізінде жасалған 4,4 метрлік кроссовер болып табылады. Автомобильдің бағасы 35 мың еуродан басталады. Федели басқарған команда аспа жүйесін қайта өңдесе, Italdesign компаниясы сыртқы келбетін, ал жергілікті фирмалар қызыл былғары және Alcantara материалдарымен қапталған интерьерді жаңартты.
DR Automobiles өзінің «Тарихи Италия брендтері» жоспары аясында Маккья-д’Изерниядағы зауытында 50 миллион еуро көлеміндегі инвестиция есебінен екі жаңа өндірістік желіні ашуды жоспарлап отыр. Бұл жоба 500-ге жуық жаңа жұмыс орнын ашады деп күтілуде.
Компания жақын болашақта Itala және тағы бір қайта жаңғырған Osca бренді үшін 50 дилерлік орталық ашуды көздеп отыр. Алғашқы дилерлік орталық брендтің тарихи отаны Турин қаласында өз есігін айқара ашты.
“Zamin”-ді Telegram-нан оқыңыз!
