Тарихий Италия автомобил бренди Итала 92 йиллик танаффусдан сўнг қайта тикланди. Лойиҳанинг техник қисми учун собиқ Ferrari техник директори Роберто Федели масъул этиб тайинланди. Ушбу ташаббус сўнгги 20 йил давомида Хитой автомобилларини Европа бозорига мослаштириб келаётган ДР Аутомобилес компаниясининг кенгайиш стратегияси доирасида амалга оширилмоқда. Бу ҳақда Autocar.co.uk хабар беради.
Турин автосалонида тақдим этилган илк замонавий Итала 35 модели ГАК Трумпчи ГС3 негизида яратилган 4,4 метрли кроссовердир. Автомобилнинг нархи 35 минг евродан бошланади. Федели бошчилигидаги жамоа осма тизимни қайта ишлаб чиққан бўлса, Итальдесигн компанияси ташқи кўринишни, маҳаллий фирмалар эса қизил чарм ва Алкантара билан қопланган интерерни янгилашди.
ДР Аутомобилес ўзининг "Тарихий Италия брендлари" режаси доирасида Макчиа дъИсерниадаги заводида 50 миллион евролик сармоя эвазига иккита янги ишлаб чиқариш линиясини очишни режалаштирмоқда. Бу лойиҳа 500 га яқин янги иш ўрнини яратиши кутилмоқда.
Компания яқин келажакда Итала ва яна бир қайта тикланган Оска бренди учун 50 та дилерлик марказини очишни мақсад қилган. Дастлабки дилерлик маркази бренднинг тарихий ватани бўлган Турин шаҳрида ўз эшикларини очди.
“Zamin”ни Telegram'да ўқинг!
