Польша Өзбекстан әскери қызметкерлерін дайындау және заманауи байланыс пен басқару жүйелерін енгізу барысында көмек көрсетуге дайын болуы мүмкін. Бұл туралы «Дунё» ақпарат агенттігі Defence 24 порталына сілтеме жасап хабарлады.
Сондай-ақ, польшалық әскери мамандар техника жөндеу және әскери жабдықтар өндірісіне қызмет көрсету орталығын ұйымдастыруда көмек көрсетуге әзір. Бұған қоса, Польша Оңтүстік Кореяның Ташкентке ұсынатын техникалық құралдарына қызмет көрсету бойынша да көмек ұсына алады.
Варшаваның корей қару-жарағын сатып алу тәжірибесі Өзбекстанмен ынтымақтастықты дамытудың жаңа мүмкіндіктерін аша алатыны айтылуда. Әлемнің ең мықты армиялары рейтингінде Польша 21-орында, ал Өзбекстан 58-орында тұр.
Сонымен бірге, Польша Оңтүстік Кореяның танктері, ұшақтары мен өздігінен жүретін гаубицаларын белсенді түрде сатып алуда. Бұдан бөлек, Польша Оңтүстік Кореяның қару-жарақтарын өндіруге де қызығушылық танытуда.
Осы жылдың күзі Варшава мен Сеул 2028 жылдан бастап лицензия негізінде зымыран жүйелерін өндіру туралы келісімге қол қойған болатын.
“Zamin”-ді Telegram-нан оқыңыз!
«Меҳмон» тобындағы келушілер бұл жарияланымға пікір қалдыра алмайды.
