«Әл-Ахли» шабуылшысы Хамза Абделькарим «Барселона» сапына ауысады. Журналист Фернандо Полоның мәліметінше, тараптар келісімді әлдеқашан аяқтаған. Бұл туралы euro-football.ru хабарлайды .
18 жастағы футболшы «көк-алақызылдар» құрамына жалға алу негізінде қосылады, келісімшартта 3 млн еуроға сатып алу опциясы да бар. Жақын күндері мысырлық талант медициналық тексеруден өтеді, содан кейін трансфер ресми түрде рәсімделеді.
«Барселонаның» жас мысырлық жұлдызды өзіне тарту ниеті бірнеше ай бұрын да айтылған еді. Абделькарим Каирдің «Әл-Ахли» командасы сапында 9 ойында алаңға шыққан, бірақ әзірге гол да, нәтижелі пас та тіркемеген.
Дегенмен, ол Мысырдың 17 жасқа дейінгі құрамасында әлдеқайда нәтижелі: 19 матчта 12 гол соғып, 6 голдық пас берген.
“Zamin”-ді Telegram-нан оқыңыз!
Ctrl
Enter
Қате таптыңыз ба?
Сөйлемді бөліп, Ctrl+Enter басыңыз 
