Кәсіпкер Оскар Блок және оның серіктестері зияткерлік меншік саласындағы күрделі процестерді автоматтандыруға бағытталған Stilta жасанды интеллект платформасын іске қосты. Жоба патенттерге қатысты сот процестері мен зерттеу жұмыстарын жеделдету және арзандатуды көздейді. Бұл туралы Techcrunch.com хабарлайды .
Stilta стартапы Andreessen Horowitz (a16z) басқарған инвестициялық раундта 10,5 миллион доллар қаражат жинады. Сондай-ақ, бұл қаржыландыруға Y Combinator және OpenAI, Legora мен Lovable сияқты компаниялардың өкілдері қатысты.
Платформаның жұмыс істеу принципі тәжірибелі заңгерлер тобын еске салады. Пайдаланушы патент нөмірін жүйеге енгізгенде, жасанды интеллект агенттері желі арқылы ұқсас патенттерді іздейді, сот тарихын талдайды және дәлелдерге негізделген егжей-тегжейлі есептерді ұсынады.
Блоктың айтуынша, көптеген компаниялар өз патенттерін пайдаланбайды немесе оларды дұрыс талдай алмайды, өйткені бұл процесс өте қымбат және көп уақытты талап етеді. Stilta дәл осы кедергіні алып тастап, компанияларға өз зияткерлік меншігінің жасырын құнын ашуға көмектеседі.
“Zamin”-ді Telegram-нан оқыңыз!
