“Барселона” бас бапкері Ханс-Дитер Флик команда жанкүйерлері үшін күтілген жаңалықты жария етті. Оның айтуынша, команда жарты қорғаушысы және Испания футболының үміті ретінде қаралып жүрген Ламин Ямал жақында алаңға оралуы мүмкін.
Флик баспасөз жиынында Ямалдың жағдайына тоқталып: “Біз оның “Реал Сосьедад” қарсы кездесуде команда құрамында болуына қуаныштымыз. Егер ол қосалқы құрамда отырса, бұл оның әр сәтте алаңға түсуге дайын екендігін білдіреді”, – деді.
Еске салайық, 18 жастағы жас талант соңғы рет 2025 жылдың 31 тамызында “Райо Валекано” қарсы кездесуде ойын көрсетті. Осы кездесуден кейін алған жарақаты себепті бірнеше маңызды ойындарды өткізіп алды. Сол уақытта “Барселона” да бірнеше маңызды ұпайларды жоғалтып, жанкүйерлер Ямалдың алаңға қайта оралуын команда үшін жаңа күш деп күтті.
“Барселона” үшін Ламин Ямал тек жас талант емес, сонымен қатар шабуылда жаңа тыныс ретінде бағаланады. Оның техникасы, алаңдағы жылдам шешім қабылдауы және қарсылас қорғанысын бұзу шеберлігі бүгінгі команда үшін өте маңызды.
Каталония клубы 28 қыркүйекте Испания чемпионаты аясында қонақта “Реал Сосьедад” командасымен кездеседі. Бұл матч Ямалдың сауығып кеткеннен кейінгі бірінші ойыны болуы мүмкін. Жанкүйерлер жас жұлдыздан тағы өзінің таңғажайып ойынын күтуде.
