Россиялик генерал ўз жонига қасд қилди

^{Фото: РИА «Новости».}
Москвада Россия ташқи разведка хизматининг истеъфодаги генерал-майори Лев Соцков ўз жонига қасд қилди. Бу ҳақда 112 Телеграм-канали хабар бермоқда.

Таъкидланишича, у 90 ёшда бўлган. Соцковнинг жасади унинг рафиқаси томонидан Новаторов кўчаси пастидаги кўп қаватли уйдан топилган.

Ҳозирда воқеа жойига суд-тиббиёт экспертлари етиб келган, фожиа сабаблари ва тафсилотлари ўрганилмоқда.

Лев Соцков Москва давлат халқаро муносабатлар институтини тугатган, кейинчалик хорижий разведкада ишлай бошлаган, хорижий давлатларнинг разведка аппаратида юқори лавозимларда ишлаган.