Қуръонни бир ойда ёд олган қиз

Фаластинлик ўсмир қизга Қуръони Каримни тўлиқ ёд олиши учун бор-йўғи бир ой керак бўлди. Жани Адҳам Наим Ашур 13 ёшда ва Ғазо секторида яшайди.

Яқинда тантанали маросим бўлиб ўтди, унда маҳаллий уламолар уни катта муваффақияти учун тақдирлашди. Тадбир Iqra Quranic хайрия ташкилоти томонидан ташкил этилган.

Жанининг муваффақияти ҳақидаги хабар ижтимоий тармоқларда кенг тарқалди, чунки бунақа натижа ўта ноёб ҳисобланади.