Урушнинг 260-куни: Қримга кўчирилаётган херсонликлар, картошка териб кун кечираётган донбасслик қариялар (фото)

10 ноябр куни Amnesty International украинларни депортация ва «фильтрация» қилган Россияни ҳарбий жиноятларда айблади. Бундан бироз аввалроқ Херсон областининг Россия томонидан тайинланган маъмурияти тинч аҳолини Днепрнинг ўнг соҳилидан кўчириш амалиёти якунланганини маълум қилди. Россия қўшинлари региондан чекинишда давом этмоқда, Украина қуролли кучлари ҳудуддаги қишлоқларни бирин-кетин озод этмоқда.

Қуйида 10 ноябр куни Украинанинг турли ҳудудларида олинган суратлар.

Украина қўшинлари Снегиревкага кирди. Миколайив области озод этилиши тўлиқ якунланди

<sup>Снегиревкалик киши велосипедда кўча бўйлаб кетмоқда. Украина қўшини ушбу посёлкани 10 ноябр куни озод этди
Valentyn Ogirenko / Reuters / Scanpix / LETA

Украина қуролли кучлари аскари ва полк капеллани (руҳонийси) озод этилган Снегиревкада
Valentyn Ogirenko / Reuters / Scanpix / LETA

Снегиревкада вайрон бўлган турар жой биноси
Valentyn Ogirenko / Reuters / Scanpix / LETA</sup>
Донбассда омон қолиш учун курашаётган қариялар

<sup>Донецк областининг фронт чизиғидаги Ямпил шаҳри аҳолиси қудуқдан сув чиқармоқда. Ямпил 30 сентябр куни украин ҳарбийлари томонидан озод этилган, посёлкада ҳамон электр ҳам, ичимлик суви таъминоти ҳам йўқ.
Bulent Kilic / AFP / Scanpix / LETA

Донбассда фронт чизиғи яқинидаги Заречное қишлоғи аҳолиси картошка йиғмоқда
Bulent Kilic / AFP / Scanpix / LETA

Картошка тераётган заречноеликлар
Bulent Kilic / AFP / Scanpix / LETA

Харкив ва Донецк областлари чегарасида мобил алоқа тутишга уринаётган украин ҳарбийлари
Ihor Tkachov / AFP / Scanpix / LETA</sup>
Бахмутдаги ҳарбий ҳоспитал

<sup>Украина қуролли кучлари жангчилари ярадор қуролдошини Бахмутдаги ҳоспиталга олиб келмоқда. Бир неча ойдан буён «Вагнер» отрядлари шаҳарни эгаллаш учун ҳужум қилмоқда ва шаҳар доимий равишда ўққа тутилмоқда.
Libkos / AP / Scanpix / LETA

Бахмутда яраланган украиналик ҳарбий
Libkos / AP / Scanpix / LETA

Украина армиясининг яраланган аскарига Бахмутдаги ҳоспиталда биринчи ёрдам кўрсатилмоқда.
Libkos / AP / Scanpix / LETA</sup>
Херсон аҳолиси Қримга олиб кетилиши

<sup>Херсон областидан бўлган бола аҳолини Қримдаги Жанкўй шаҳрига олиб кетаётган автобус ойнасидан қарамоқда. Днепрнинг ўнг соҳилидаги (Херсон ҳам шу томонда) аҳоли областнинг Россия назорати остидаги бошқа қисмига «эвакуация» қилиниши ҳақида октябр ойи ўрталарида эълон қилинганди. Фото: Alexey Pavlishak / Reuters / Scanpix / LETA

Херсон области аҳолиси автобусларда Жанкўйга кетишга тайёрланмоқда. 8 ноябр куни Херсон областининг қўғирчоқ ҳукумати раҳбари собиқ ўринбосари Кирилл Стремоусов (у кейинги куни ЙТҲ оқибатида ҳалок бўлди) «ёппасига эвакуация» якунлангани ҳақида хабар қилганди.
Alexey Pavlishak / Reuters / Scanpix / LETA

Херсон области аҳолиси Жанкўйга олиб кетилиши. Россия томонидан тайинланган маъмурият «эвакуация» қилинган аҳоли сонини октябр ойи охирида эълон қилганди, уларнинг версиясига кўра Днепрнинг ўнг соҳилини 80 мингга яқин киши тарк этган.
Alexey Pavlishak / Reuters / Scanpix / LETA</sup>