17:27 / 22.10.2023

Украинадаги урушнинг 605-куни: Киев яқинида таъмирланаётган техникалар ва Герасимов билан кўришган Путин

^{Gleb Garanich / Reuters / Scanpix / LETA}

Украинада урушнинг 605-куни ўтди. Асосий маълумотлар:

Генерал-полковник Виктор Афзалов расман Россия ҳаво-космик кучлари бошлиғи этиб тайинланди. У бу лавозимда Сергей Суровикин ўрнини эгаллаган.
Малтада ноябр ойи охирида Глобал жануб мамлакатлари иштирокида Украина бўйича учинчи тинчлик саммити бўлиб ўтади.
Володимир Зеленский Ражаб Тоййиб Эрдўған билан телефон орқали мулоқот қилди.
Украина ҚК маълумотига кўра, мамлакат шимолида пиёдаларга қарши 500 мингта мина ўрнатилган.
Ростов областида ўтган кун давомида икки бор ҳаво ҳужумидан мудофаа тизимлари ишга тушди.
Россиялик ҳарбийлар Кривий Риҳни ўққа тутди. Бир киши ҳалок бўлган, саноат инфратузилма объекти шикастланган.

Чернобилдаги ҳаёт тарзи

Чернобил ёт ҳудуди — Чернобил АЭС атрофида 30 километр радиусдаги ҳудуд. Бу ҳудуд аҳолиси 1986 йил станцияда рўй берган авариядан кейин эвакуация қилинганди. 2022 йил февралида Россия қўшини босқинининг илк кунларида зонанинг катта қисми (жумладан, станциянинг ўзи ҳам) эгаллаб олинганди, аммо март ойи охирига келиб улар ЧАЭС ҳудудидан чекинади. Бу давр ичида аҳоли яшаш манзилларига олиб борувчи кўприклар портлатилган. Қатор қишлоқлар қуруқлик орқали таъминотдан узилиб қолган — бу ҳудудларда асосан 1986 йилда ҳам ўз уйини тарк этишдан бош тортган кекса ёшли кишилар яшайди. Қуйида уларга бугунги кунда қандай кўмак кўрсатилаётгани акс этган суратлар.

\"\" — Украиналик ҳарбий хизматчилар Чернобилдаги ёт ҳудудда жойлашган қишлоққа қайиқда етиб олмоқда. Улар бу ерга озиқ-овқат ва дори-дармон етказиб туришади
Gleb Garanich / Reuters / Scanpix / LETA

\"\" — 89 ёшли Иван Троянок ўз ҳудуди яқинида украиналик ҳарбийлар билан суҳбатлашмоқда
Gleb Garanich / Reuters / Scanpix / LETA

\"\" — Иван Троянкнинг уйига ёрдам олиб келган украиналик ҳарбийлар
Gleb Garanich / Reuters / Scanpix / LETA

\"\" — 78 ёшли Евдокия Безношченко уйини таъмирлашга ёрдам бераётган украин ҳарбийлари билан
Gleb Garanich / Reuters / Scanpix / LETA

\"\" — Ҳудудга гуманитар ёрдам олиб кетаётган украиналик ҳарбийлар
Gleb Garanich / Reuters / Scanpix / LETA

Авдийивка яқинидаги украин артиллериячилари

Авдийивка Украинадаги урушнинг энг қайноқ нуқталаридан бирига айланган. Россия қўшини сўнгги ҳафталарда шаҳарни қуршаб олишга ҳаракат қилмоқда, аммо ҳамон Украина мудофаасини ёриб ўтишнинг имкони бўлмаган. Қуйида Авдийивка атрофида жанг қилаётган украин артиллериячилари.

\"\" — Украина ҚК 59-бригадаси ҳарбий хизматчилари Россия қўшини позициялари бўйлаб зарба бериш учун артиллерия қурилмасини жойлаштирмоқда
Ozge Elif Kizil / Anadolu / ddp / Vida Press

\"\" — Украина ҚК 59-бригадаси ҳарбий хизматчилари россияликларнинг Авдийивка яқинидаги позицияларига «Град» баравар ўт очиш реактив тизимидан зарба беришга тайёрланмоқда
Ozge Elif Kizil / Anadolu / ddp / Vida Press

\"\" — Россияликларнинг Авдийивка яқинидаги позициялари бўйлаб «Град»дан ўт очилиши
Ozge Elif Kizil / Anadolu / ddp / Vida Press

Донецк ўққа тутилишидан кейин чиққан ёнғин

\"\" — 21 октябр куни Донецк Украина томонидан ёппасига ўққа тутилган, аннексия қилинган ДХР расмийларига кўра, ракета зарбалари оқибатида шаҳарнинг бир қанча нуқталарида ёнғинлар юзага келган. Фотода — шундай жойлардан бири.
Alexander Ermochenko / Reuters / Scanpix / LETA

\"\" — Донецкка ракета зарбалари берилиши оқибатида ёнғин чиққан омборхонадаги ўт ўчирувчи
Alexander Ermochenko / Reuters / Scanpix / LETA

Украина ҚКнинг Донбассдаги тиббиёт пункти

\"\" — Ҳарбий шифокорлар Донецк областидаги фронт чизиғи яқинидаги стабилизация пунктида ярадорга ёрдам бермоқда
Yakiv Liashenko / EPA / Scanpix / LETA

\"\" — Yakiv Liashenko / EPA / Scanpix / LETA

\"\" — Yakiv Liashenko / EPA / Scanpix / LETA

\"\" — Украиналик ярадор жангчини стабилизация пунктидан эвакуация қилаётган украин шифокорлари
Yakiv Liashenko / EPA / Scanpix / LETA

Украинанинг Запорижжя областидаги танкка қарши взводи

\"\" — Украинанинг 128-тоғ-штурм бригадаси ҳарбийси Запорижжя областида
Kateryna Klochko / EPA / Scanpix / LETA

\"\" — Украина ҚК жангчилари Запорижжя области ҳудудида қўлда олиб юрилувчи танкка қарши «Скиф» ракета комплекси билан
Kateryna Klochko / EPA / Scanpix / LETA

\"\" — «Скиф»ни бошқараётган ҳарбий
Kateryna Klochko / EPA / Scanpix / LETA

Киев областида тузатилаётган ҳарбий техникалар

\"\" — Киев областидаги танк цехи. Механиклар ҳарбий машинанинг занжирли гусеницасини чиқармоқда
Bram Janssen / AP / Scanpix / LETA

\"\" — Украина зирҳли транспортёрини таъмирлаётган механик
Bram Janssen / AP / Scanpix / LETA

\"\" — Украина зирҳли транспортёри (БТР) ичидан чиқаётган устахона ишчиси
Bram Janssen / AP / Scanpix / LETA

\"\" — Bram Janssen / AP / Scanpix / LETA

Харкивда болалар учун хавфсизлик дарслари

\"\" — Харкивда хавфсизлик бўйича дарсда қатнашаётган болалар. «Мобил хавфсизлик синфи» — бу Украина ИИВ ва ЮНИСЕФ таълим дастури ҳисобланади. Дарслар автомобилда ўтказилмоқда — болаларга миналарни қандай таниб олиш ва бошқа фавқулодда ҳолатларда ўзини қандай тутиш ўргатилади. «Мобил синфлар» машиналари Харкивнинг турли мактабларини айланиб чиқади.
Sergey Kozlov / EPA / Scanpix / LETA

Россия қўшинлари штабига борган Владимир Путин

Владимир Путин Россия қўшинларининг Ростов-Дондаги штабига ташриф буюрди. У РФ ҚК бош штаби бошлиғи Валерий Герасимовнинг ҳисоботини тинглади — у Путинга бирлашган қўшинлар гуруҳи топшириқларни «махсус ҳарбий амалиёт» режасига мувофиқ бажараётгани ҳақида ҳисобот берган. Хайрлашув чоғида, Герасимовнинг қўлини сиқаркан, Путин «барча командирлар»га салом йўллашни сўраган, деб ёзади ТАСС. Герасимов бу илтимосни албатта бажаришга ваъда берган.