Канадалик 59 ёшли аёл 1575 марта “отжимания” қилиб жаҳон рекордини ўрнатди

^{Фото: Championat}
Канадалик 59 ёшли Донна-Жан Уайлд Гиннеснинг Рекордлар китобига бир соат ичида 1575 марта “отжимания” қилгани учун киритилди.

У ўз фарзандлари ва невараларига мотивация бўлишга ҳаракат қилаётганини айтади. У нафақадаги спортчи бўлса-да, фаол турмуш тарзини давом эттириб, янги чўққиларни забт этмоқда.

Доннанинг 12 нафар невараси бор. Уларнинг ҳаммаси бувисини қўллаб-қувватлаш учун келди.

“Бахт кўз ёшларини яшириб, олдинга ҳаракат қилишимга тўғри келди”, деди Уайлд.

Дастлабки 20 дақиқада Донна-Жан 620 марта “отжимания” қилди, сўнг бир оз секинлашди. У Гиннеснинг Рекордлар китоби вакилларига 2024 йил бошида югуриш бўйича жаҳон рекордини янгилашга тайёргарлик кўриш пайтида “отжимания”га ошиқ бўлганини сўзлаб берди. Ўшанда у кунига 500 марта “отжимания” қилган. Бу эса мукаммал жисмоний формага киришига ёрдам берган.