Краснодар осмонида ғалати булутлар кузатилди

Россиянинг Краснодар вилоятида жойлашган Копанская қишлоғи осмонида маҳаллий аҳоли ғалати кўринишдаги булутларни видеога олди, деб хабар берди pogoda.mail.ru.

Кадрларда булутлар осмондан осилиб турганга ўхшайди. Бу табиий ҳодиса — мамматус булутлари деб аталади. Улар кўпинча жала ва момақалдироқ булутларининг пастки қисмида ҳосил бўлади ва атмосферада кучли турбулентликни кўрсатади.

Мутахассислар таъкидлашича, булар хавфли эмас, лекин об-ҳаво ноустуворлигидан далолат беради — кучли ёмғир, шамол ёки ҳатто торнадо эҳтимолидан огоҳлантиради.