Фаластинлик болалар Британияда даволанади

Оғир касал ва жароҳатланган бир гуруҳ фаластинлик болалар Ғазодан эвакуация қилинди. Улар яқин кунларда Буюк Британияга етиб келиб, шифохоналарда даволанади.

Британия ташқи ишлар вазири Йветт Купер болаларнинг олиб чиқилганини тасдиқлади. Дастлабки гуруҳда 30–50 бола борлиги айтиламоқда. Зарур ҳолларда уларга оила аъзолари ҳамроҳлик қилади.

Купер бу жараён катта дипломатик ишлар талаб қилганини айтди. У, шунингдек, Британияда ўқишга кирган талабаларни ҳам эвакуация қилиш устида иш олиб борилаётганини маълум қилди.

Ғазода эса бомбардимонлар давом этмоқда. Маҳаллий манбаларга кўра, кўплаб одамлар ҳалок бўлган, юзлаб фуқаролар эса очлик ва озиқ-овқат танқислигидан вафот этмоқда.