БМТга аъзо давлатлар 15 йил ичида очлик ва ночорликни тугатмоқчилар

БМТга аъзо давлатлар кейинги 15 йилга мўлжалланган глобал ривожланиш соҳасидаги режани тасдиқладилар. Улар бу режада очлик ва ночорликни батамом тугатишга ваъда бермоқдалар. Бу ҳақда Reuters ахборот агентлигига таяниб Kun.uz хабар бермоқда.

Бундан ташқари, давлатлар ҳаммабоп таълим ва ижтимоий тенгҳуқуқликни таъминлашни режалаштиришмоқда.

Ҳаммаси бўлиб режада барқарор ривожланишнинг 17 та мақсади белгилаб қўйилган. Режа 150 дан ортиқ давлат ва ҳукуматлар иштирокидаги саммитда бир овоздан қабул қилинди.