Британиянинг Лестер шаҳрида кучли портлаш содир бўлди (видео)

Британиянинг Лестер шаҳрида кучли портлаш юз берди. Бу ҳақда маҳаллий ОАВ нинг хабарига асосланиб Кун нашри хабар берди.

Маълум қилинишича, Лестердаги Хинкли-роуд кўчасида 25 февраль маҳаллий вақт билан соат 19:19да портлаш юз берган. Воқеа жойига 6 та ўт ўчириш машинаси жўнатилган. Одамларга воқеа жойига яқинлашмаслик тавсия қилинган.

Кейинроқ портлаш оқибатида 6 киши жабрлангани, улардан икки нафари оғир аҳволдалиги маълум қилинган.

Полиция “йирик ҳодиса” юз берганини маълум қилган, бироқ тафсилотларни ошкор қилишдан бош тортган ҳамда айни вақтда ҳеч нарса теракт бўлганига ишора қилмаслигини айтган.


Ўт ўчириш хизмати маълумотларига кўра, воқеа оқибатида икки қаватли уй қулаб тушган. Қидирув-қутқарув ишлари олиб борилмоқда. Гувоҳларнинг маълум қилишича, уйнинг 1-қаватида дўкон, 2-қаватида квартиралар жойлашган бўлган.
[media=https://youtu.be/6F9sF4UvylY]