Россияда коллеж ўқувчиси отишма уюштирди. 2 киши ҳалок бўлди, 3 киши яраланган (видео)

^{Фото: «Амуринфо»}
Россиянинг Благовешенск шаҳридаги Амур қурилиш ва коммунал хўжалик коллежи ўқувчиси отишма уюштирди. Бу ҳақда «ТАСС»га таяниб Дарё хабар бермоқда.
Ҳодиса маҳаллий вақт билан соат 10:00 атрофида рўй бергани, талаба кеч қолгани сабабли аудиториядан чиқариб юборилганидан сўнг ўқ уза бошлагани айтилмоқда.

Ҳуқуқ-тартибот идоралари вакилларига кўра, талабанинг тенгдошлари билан ўзаро келишмовчиликлари бўлган.
Отишма оқибатида талабанинг ўзи ва курсдоши ҳалок бўлди. Яна 3 киши яраланган.
Талаба отишма уюштирган қурол унинг номида рўйхатда бўлган.