Москвада коронавирусли чақалоқ туғилди

^{Фото: Известия / Андрей Эрштрем}
31 март куни Москва шаҳридаги перинатал марказлардан бирида коронавирусли чақалоқ туғилди.
Бунгача унинг онаси коронавирус инфекцияси билан шифохонага ётқизилган эди.

Янги туғилган қизча коронавирус тестидан ўтказилди ва у ижобий натижа берди. Энди бу ташхис такрорий тест орқали тасдиқланиши керак.
Ҳозирча, бола бошқа шифохонага ётқизилган ва ажратиб қўйилган. Унинг аҳволи қониқарли, онаси эса тиббий ходимларнинг доимий кўригида бўлиб турибди.