Япониялар коронавирусга қарши бир умрлик иммунитет ҳосил қилувчи вакцина яратмоқчи

^{Фото: Bloomberg}
Япониядаги Токио тиббиёт фанлари институти олимлари коронавирусга қарши бир умрлик иммунитет ҳосил қилувчи вакцина ишлаб чиқиш устида иш олиб бормоқда. Бу ҳақда The Japan Times хабар берди.

Олимлар 18 асрда Эдвард Женнер ишлаб чиққан чечакка қарши вакцинани унга асос сифатида олишган.

Профессор Митинори Кохаранинг сўзларига кўра, вакцинада инсон учун хавфсиз бўлган сигир чечаги вирусидан фойдаланилади.

Nobelpharma компанияси 2023 йилда вакцинанинг биринчи ва иккинчи босқич клиник синовларини ўтказишни режалаштирган. Синовларда 150-200 киши иштирок этади.