Якка тартибдаги тадбиркорларнинг деярли 50 фоизи чакана савдо билан шуғулланяпти

Йил бошида якка тартибдаги тадбиркорлар сони 238,2 минг нафарга етди.

Давлат солиқ қўмитаси маълумотига кўра, бу кўрсаткич 2021 йилга нисбатан 9,4 фоизга (20,5 минг нафарга) кўпдир.

Жумладан, ҳунармандчилик 19,3 фоиз (+4,2 минг), чакана савдо 9,2 фоиз (+9,7 минг) ва маиший хизмат кўрсатиш 8,3 фоизга (+1,7 минг) ошган. Бошқа тармоқларда ўсиш 7 фоизни (+4,9 минг) ташкил этди.

Бундан ташқари, қўмита рўйхатидан ўтган якка тартибдаги тадбиркорларнинг 48 фоизи чакана савдо билан шуғулланмоқда.