SEК токенлаштирилган акциялар савдоси учун инновацион истисно жорий этмоқда
АҚШ Қимматли қоғозлар ва биржалар комиссияси (SEК) блокчейн асосида токенлаштирилган акциялар савдоси учун махсус “инновацион истисно” жорий этишни режалаштирмоқда. Ушбу янгилик компанияларнинг розилигисиз ҳам уларнинг акциялари нархини кузатувчи учинчи томон токенлари билан савдо қилиш имконини беради. Bloomberg хабарига кўра, мазкур қарор анъанавий биржалардан ташқари марказлашмаган крипто платформаларида ҳам очиқ акциядорлик жамиятлари қимматли қоғозлари билан савдо қилиш доирасини кенгайтиради. Бу ҳақда Cointelegraph.com хабар беради.
SEК ушбу қоидаларни ишлаб чиқиш жараёнида юзлаб бозор иштирокчилари билан маслаҳатлашган. Таклиф этилаётган қоидаларга кўра, токенлаштирилган акциялар овоз бериш ҳуқуқи ва дивидендлар каби оддий акцияларга хос барча имтиёзларга эга бўлиши шарт, акс ҳолда улар биржа рўйхатидан чиқарилиши мумкин. Ушбу ташаббусга комиссия аъзоси Ҳестер Пеирсе бошчилик қилмоқда.
Валл Стреэт фирмалари сўнгги йилларда блокчейн технологиясининг савдо ва ҳисоб-китоб жараёнларини тезлаштиришдаги самарадорлигига катта қизиқиш билдирмоқда. Масалан, Интерконтинентал Эхчанге компанияси акциялар ва ЭТФ фондлари учун 24/7 режимида ишлайдиган токенизация платформасини ишга туширишни режалаштирмоқда. Шунингдек, Буллиш крипто биржаси ҳам Эқуинити платформасини 4,2 миллиард долларга харид қилиб, ўз имкониятларини кенгайтирди.
Токенизация тарафдорлари ушбу технология Нвидиа, Google ва Tesla каби компаниялар акцияларига анъанавий брокерлик ҳисобларига эга бўлмаган инвесторлар учун ҳам йўл очишини таъкидламоқда. Бироқ, SEК ичида ушбу қарорга қарши чиққан расмийлар ҳам мавжуд. Секуритизе платформаси раҳбари Бретт Редфеарн эса эмитент иштирокисиз токенизация қилиш бозорнинг парчаланишига олиб келиши мумкинлигидан хавотир билдирган.
