Трумп қўллаб-қувватлаган Трутҳ Сосиал крипто-ЭТФ аризаларини қайтариб олди
Ёрквилле Америка активларни бошқариш компанияси Доналд Трумп томонидан қўллаб-қувватланадиган Трутҳ Сосиал бренди остида рўйхатдан ўтказилиши кутилган бир нечта крипто-ЭТФ аризаларини қайтариб олишга қарор қилди. Компания ўз маҳсулот стратегиясини ўзгартирганини ва эндиликда 1933-йилдаги Қимматли қоғозлар тўғрисидаги қонун ўрнига, инвесторлар ҳимояси кучлироқ бўлган 1940-йилдаги Инвестиция компаниялари тўғрисидаги қонун доирасида ишлашни афзал кўришини маълум қилди. Бу ҳақда Cointelegraph.com хабар беради.
Ушбу қарор натижасида ТрутҳСосиал Bitcoin ЭТФ, ТрутҳСосиал Bitcoin & Ethereum ЭТФ ҳамда ТрутҳСосиал Crypto Блуе Чип ЭТФ каби лойиҳалар тўхтатилди. Ёрквилле Америка вакилларининг сўзларига кўра, янги ҳуқуқий база солиқ самарадорлиги ва инновацион инвестиция стратегияларини ишлаб чиқиш учун кенгроқ имкониятлар яратади. Бироқ, компания янги тизим остида крипто-ЭТФ лойиҳаларини қайта тиклаш нияти бор-йўқлигига аниқлик киритмади.
Аризаларнинг қайтариб олиниши Доналд Трумпнинг крипто саноати билан алоқалари ва унинг АҚШ президенти сифатидаги вазифалари ўртасидаги манфаатлар тўқнашуви борасидаги хавотирлар кучайган бир пайтга тўғри келди. Демократ сенаторлар 2025-йил январ ойидаги инаугурациядан буён Трумпнинг Ворлд Либертй Финансиал платформасидаги роли бўйича тушунтириш талаб қилиб келмоқда.
Шунингдек, 2026-йилда крипто-ЭТФ бўлган талабнинг сезиларли даражада пасайиши ҳам ушбу қарорга таъсир қилган бўлиши мумкин. Жорий йилда АҚШ спот Bitcoin ЭТФларига соф оқим атиги 790 миллион долларни ташкил этди, ҳолбуки 2025-йилда бу кўрсаткич 25 миллиард долларга етган эди. Ethereum ЭТФларида эса 640 миллион долларлик маблағ чиқиб кетиши кузатилди.
Экспертлар, хусусан Bloomberg таҳлилчиси Жамес Сейффартнинг фикрича, Ёрквилле Америка бозордаги кучли рақобат туфайли ҳам чекинишга мажбур бўлган. Масалан, Morgan Stanley Bitcoin Труст каби янги фондлар 0,14 фоизлик жуда паст комиссия ставкаларини таклиф қилмоқда, бу эса Трутҳ Сосиал лойиҳалари учун рақобатни қийинлаштиради.
