Тошкент вилоятида максимал тезлик 80 км/соатга туширилади

Тошкент вилоятида автотранспорт воситалари учун рухсат этилган максимал тезлик 100 км/соатдан 80 км/соатга туширилди, деб nova24.uz хабар берди.

Ҳоким Зойир Мирзаев 17 апрель куни мазкур қарорни имзолади. Унга кўра, аҳоли пунктлари ташқарисида жойлашган 37 та участканинг ҳаракат тезлиги 80 км/соат этиб белгиланди.

Йўл белгилари 5 кун ичида ўрнатилиши белгиланган бўлиб, қарор йўл-транспорт ҳодисаларининг олдини олиш ва хавфсизликни таъминлаш мақсадида қабул қилинди.

Назорат Тошкент вилояти ЙҲХБ органлари зиммасига юкланди. Қарор дарҳол кучга кирди.