Юнусободда ўзини сувга ташлаган аёл ҳаёти қутқариб қолиндими?

Бугун, 7 октябрь куни соат 00:05 да Тошкент шаҳри Юнусобод туманидаги “Бўрижар” каналида чўкиб кетаётган аёл гвардиячилар томонидан қутқариб қолинди, деб хабар берди шаҳар гвардияси.

Тиббий ёрдам келгунча гвардиячилар аёлга дастлабки ёрдам кўрсатишган. У сувдан чиқарилгандан сўнг соғлиғи назоратга олинган.

Дастлабки маълумотларга кўра, мазкур шахс Тошкент шаҳрида яшовчи К.К. эканлиги аниқланган. Ҳозирги вақтда у шифохонага ётқизилган. Ҳолат юзасидан тегишли идоралар суриштирув олиб бормоқда.