Қорақалпоғистонда ноқонуний дарахт кесишга жарима белгиланди

Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги томонидан Қорақалпоғистон ҳудудида навбатдаги назорат рейди ўтказилди.

Рейд давомида аниқланишича, Бўзатау тумани аҳолиси О.А. тумандаги ўрмон хўжалиги ерлари ҳудудида ноқонуний равишда 6 та жийда дарахтини кесган.

Ушбу ҳолат юзасидан Ўзбекистон Республикаси Маъмурий жавобгарлик тўғрисидаги кодекснинг 79-моддаси 1-қисмига мувофиқ, фуқаро О.А.га 3 790 400 сўм миқдорида жарима белгиланди.

Шунингдек, табиатга етказилган зарар учун 10 300 000 сўм миқдорида товон пули ундирилиши белгиланди.