Тошкентда поезд устига чиққан болани 27 минг вольтли ток урди

^{Фото: Видеолавҳадан скриншот}
19 ёшни қаршилаган меҳрибонлик уйи тарбияланувчисининг ўйламай қилган иши уни аянчли аҳволга солди. У Тошкент шаҳри, Сергели бекатининг учинчи йўлида турган вагон устига селфига тушиш мақсадида чиққанида юқори кучланишли ток урган.

Маълум қилинишича, болани вагон устида кучланиши 27 минг вольт бўлган симдаги ток урган. У тез тиббий ёрдам машинасида Республика шошилинч тиббий ёрдам марказининг жонлантириш бўлимига етказилган.

Шифокорларнинг ташхисига кўра, унинг аҳволи жуда оғир, танасининг 93 фоизи куйган, учинчи даражали бош мия ёпиқ жароҳатини олган.