Шаҳрихонда Nexia 3 каналга тушиб кетди

^{Фото: ФВВ}
ФВВ қутқарувчилари томонидан Шаҳрихонда каналга тушиб кетган автомобил чиқариб олинди.

Ҳодиса, бугун, 28 январ куни тонги соат 04:07 да Андижон вилояти Шаҳрихон тумани «Янги Ваҳим» маҳалласида содир бўлган.
Nexia 3 русумли автомобил ҳайдовчиси бошқарувни йўқотиш натижасида «Янги Ваҳим» кўчасидан ўтган каналга тушиб кетган.

Зудлик билан айтилган манзилга туман ёнғин-қутқарув қисми қутқарувчилари етиб борган ва махсус техника ҳамда асбоб-анжомлар ёрдамида автомашина каналдан олиб чиқилган.

Ҳодиса оқибатида жабрланган ва халок бўлганлар йўқ.