Актёр Шаҳзод Султонов MMAда жанг ўтказди

^{Видеодан лавҳа}
Ўзбекистонлик актёр Шаҳзод Султонов 26 сентябрь, душанба куни MMAда дебют қилди.

Андижон шаҳрида бўлиб ўтган MMA кечасининг асосий жангида Султоновга Фароҳиддин Турдибоев рақиб бўлди. Жангчилар -90 кг вазн тоифасида ўтказилди.

Жангнинг учинчи раундида Султонов рақибнинг хатосидан фойдаланиб, маунт ҳолатига ўтиб олган ва кетма-кет зарбалардан кейин ҳакам техник нокаут қайд этган.

Шу тариқа Шаҳзод Султонов MMAдаги дебют жангида ғалабага эришди.