Роналдунинг келиши Машариповга қимматга тушиши мумкин

Криштиану Роналду \"Ал-Насср\"га ўтиши кутиляпти. Футболчининг тиббий кўрикдан ўтиш санаси аллақачон белгилаб қўйилган. Шунингдек, португалиялик ва унинг қариндошлари учун турар жой ҳам ажратилган.

Айрим манбаларнинг хабар беришича, 37 ёшли ҳужумчи \"Ал-Насср\"да ҳамюртимиз Жалолиддин Машарипов ёки Гонсало Мартинес ўрнини эгаллайди.

Маълумот учун, риёдликлар айни вақтда Саудия Арабистони чемпионатида 23 очко билан пешқадамлик қилмоқда. Машарипов 10 турдан сўнг 1 та учрашувда майдонга тушган ва ўз ҳисобига гол ёки ассист ёздириб қўя олмаган.