Бугун U-20 Жаҳон чемпионати бошланади

Бугун Аргентинада ўтказилаётган 20 ёшлилар ўртасидаги жаҳон чемпионати старт олади. Дастлаб, \"A\" гуруҳидан ўрин олган Гватемала - Янги Зеландия ва \"B\" гуруҳидаги Ақш - Эквадор учрашувлари ўтказилади.

Мазкур ўйинлардан кейин 21-майга ўтар кечаси соат 02:00да Ўзбекистон Аргентинага қарши майдонга тушади.

Эслатиб ўтамиз, ушбу турнир 20-майдан 11-июнгача давом этади. Равшан Ҳайдаров шогирдларини гуруҳда Аргентинадан ташқари, Гватемала ва Янги Зеландия терма жамоалари ҳам кутиб турибди.