Таэквондо WТ бўйича жаҳон чемпионати. Рашитов ярим финалда ютқазиб қўйди

Бокуда старт олган таэквондо WТ бўйича жаҳон чемпионати Ўзбекистон терма жамоаси учун омадли бошланди.

Мусобақанинг илк кунидаёқ терма жамоамиз бронза медалига сазовор бўлди.

-68 кг вазн тоифасида баҳс олиб борган Улуғбек Рашитов шоҳсупанинг учинчи поғонасидан жой олди. Ярим финалгача бўлган йўлни муваффақиятли босиб ўтган юртдошимиз финал остонасида кореялик Хо-Жун Жинга 1:2 ҳисобида имкониятни бой бериб қўйди.

Бу Рашитов учун жаҳон чемпионатларидаги илк медал ҳисобланади.