Эрлинг Холанд: "22 ёшимда требл ютдим, Гвардиола мени энг зўри қилишга ҳаракат қилмоқда"

Эрлинг Холанд ортда қолган мавсум ҳақида фикрларини билдирди. У УЕФА талқинига кўра мавсумнинг энг яхши футболчиси бўлди.

\"Ёқимли ҳислар. Мен 22 ёшда требл ютдим. Орзуимга эришдим, мен болалигимда буни орзу қилардим.

Жамоадошларим билан бирга мақсадга эришиш ажойиб. Мен бахтлиман. Бу мени янада кўпроқ ишлашга ва янги совринлар ютишга мотивация беради.

Баъзида отам ёки мураббийимиз ҳиссиётларга берилиб кетишади. Одамлар менга бақириб, ниманидир ўргатмоқчи бўлишлари менга ёқади. Гвардиола мени энг зўри қилишга ҳаракат қилмоқда\", - деди Холанд.