Тожикистонлик Муин Ғофуров Саид Нурмагомедовга қарши жанг қилади
Тожикистонлик UFC жангчиси Муин Ғофуров (18-5) \"UFC 294\" турнирида Саид Нурмагомедовга (17-3) қарши жанг киладиган бўлди. Хабарингиз бор, Ғофуров жаҳоннинг энг нуфузли промоушени билан шартнома имзолаганидан сўнг, битта жанг ўтказди ва унда Жон Кастанедага имкониятни бой бериб қўйганди.
Саид Нурмагомедов эса UFCда 8 та жанг ўтказишга улгурди ва уларнинг 6 тасида ғалаба қозонган. У сўнги жангини \"UFC Fight Night 222\" турнирида ЖАҚШ вакили Жонатан Мартинесга қарши ўтказиб, очколар ҳисобида мағлуб бўлган.
Эслатиб ўтамиз, \"UFC 294\" турнири 22 октябрь куни Абу-Дабида ташкил этилади ва унинг марказий жангида енгил вазн (70,3 кг) тоифаси чемпиони Ислом Махачев, бразилиялик 1-рақамли даъвогар ва собиқ чемпион Чарльз Оливейрага қарши реванш жангини ўтказади.
