Туркия Суперкубогидаги “спектакл”. “Фенербаҳче” футболчилари “Галатасарой”га қарши баҳснинг илк дақиқасиданоқ майдонни тарк этди (видео)

Футбол бўйича Туркия Суперкубоги доирасидаги “Галатасарой” ва “Фенербаҳче” ўртасидаги ўйин бир неча дақиқа давом этди.

“Фенербаҳче” майдонга U-19 жамоаси футболчиларини ташлади. Ўйиннинг илк дақиқасидаёқ “Галатасарой” футболчиси Мауро Икарди гол урди.

Шундан сўнг “Фенербаҳче” ўйинчилари майдонни тарк этди, клуб эса ўйинни охиригача етказмаслигини маълум қилди.
Рақиб майдонни тарк этгач, “Галатасарой” футболчилари иккига бўлиниб, машғулот ўйини ташкил этди.

Эслатиб ўтамиз, Туркия чемпионатининг 30-туридан ўрин олган “Трабзонспор” ва “Фенербаҳче” ўртасидаги ўйин тугаши билан “Фенербаҳче” футболчилари майдон марказида ғалабани нишонлади, бу эса мезбон мухлисларни хурсанд қилмади ва улар майдонга оммавий югуриб киришди. Шундан сўнг, меҳмон футболчилар ва мухлислар иштирокида муштлашув бўлиб ўтган эди.

Истанбул клуби Туркия чемпионатини тарк этиш ҳақида ўйлаган, аммо кейинчалик қарорни уч ойга кечиктирди.

Ҳозирда клуб Туркия футбол федерацияси раҳбариятига қарши чиқмоқда.