Евро—2024. Португалия Туркия устидан йирик ҳисобда ғалаба қозонди (видео)

Футбол бўйича Европа Чемпионатининг F гуруҳида Туркия ва Португалия терма жамоалари 22 июнь, шанба куни ўзаро баҳс олиб борди.

Учрашувнинг дастлабки дақиқаларидан Португалия тўлиқ устунликни қўлга олди. 21-дақиқада Бернарду Сильва ҳисобни очди. 7 дақиқа ўтиб Португалиянинг шиддатли ҳужумидан сўнг Туркия футболчилари ўз дарвозасига тўп киритиб қўйди.

Иккинчи бўлим ҳам португалларнинг ҳужумлари билан бошланди. 55-дақиқага келиб ҳужумлар самара берди. Португалия футболчиси Криштиану Роналду дарвозабон билан бирга бир ҳолатга келди. Роналду тўпни Бруну Фернандешга етказиб берди ва у аниқ ҳаракат қилиб, ҳисобни 0:3 кўринишига олиб келди.

Шу тариқа 6 очко тўплаган Португалия кейинги босқич масаласини ҳал қилди.

Брунунинг голига ҳаммуаллифлик қилган Роналду ассистлар бўйича чемпионатнинг энг яхши натижа қайд этган футболчига етиб олди.

Евро—2024
2-тур
22 июнь, шанба
Туркия — Португалия 0:3
Голлар: Бернарду Силва - 21\', Самет Акайдин - 28\' (автогол), Бруну Фернандеш - 56\'
Туркия: Байиндир, Челик, Бардакжи, Акайдин, Айхан, Кадиоглу, Чалханоглу, Кекчю, Акгюн, Актюркоглу, Йилмаз.
Португалия: Диогу Кошта, Жоау Канселу, Пепе, Рубен Диаш, Мендеш, Бруну Фернандеш, Пальинья, Витинья, Бернарду Силва, Рафаэл Леау, Роналду.