“Пахтакор”нинг “Ал-Ҳилол”га қарши ўйини қачон ўтказилади?

^{Фото: “Пахтакор” матбуот хизмати}
Осиё футбол конфедерацияси Элит Осиё Чемпионлар Лигаси 1/8 финал босқичи ўйинларининг вақтларини эълон қилди.

Унга кўра, Ўзбекистон вакили “Пахтакор” Саудия чемпиони “Ал-Ҳилол”ни 4 март куни “ЖАР” стадионида қабул қилади. Беллашув Тошкент вақти билан 21:00 да бошланади.

Жавоб беллашуви эса 11 март куни Риёдда ўтказилади ва ушбу учрашув ҳам 21:00 га белгиланган.