Ямалнинг жароҳати "Эл-класико"ни ҳам ўтказиб юбориши мумкин
\"Барселона\" бош мураббийи Ханс-Дитер Флик жамоа вингери Ламин Ямалнинг соғлиги ҳақида сўз юритди. Бир кун олдин клуб футболчининг бел қисмидаги муаммо яна қайталаганини маълум қилиб, уни камида икки-уч ҳафтага сафдан чиқарганди.
Фликнинг таъкидлашича, бу оддий жароҳат эмас ва унинг майдонга қайтиш вақти ҳозирча ноаниқ.
— “Қачон тўлиқ тайёр бўлишини аниқ билмаймиз. Бу мушак ёки енгил жароҳат эмас. Икки, уч, ёки тўрт ҳафтада тикланадими йўқми— ҳозирча номаълум. Ҳатто у \'Эл-класико\'гача тузалиб улгуради, деб ишонч билан айта олмайман. Ҳозир у реабилитация мутахассислари билан ишламоқда, кейин кўрамиз”, — деди мураббий журналистлар билан суҳбатда.
Маълумот учун, Ламин Ямал сентябрь ойида “Барселона”нинг тўртта учрашувини жароҳати сабаб ўтказиб юборган, кейинроқ эса “Реал Сосьедад” ва “ПСЖ”га қарши ўйинларда майдонга тушган эди.
