Ўзбекистон Кубоги финалидан кейин ҳакам ҳақоратланди

Кеча Андижонда Ўзбекистон Кубоги финал учрашуви бўлиб ўтди. Финалда \"Пахтакор\" ва \"Бухоро\" жамоалари ўзаро тўқнаш келишди.

Учрашув Тошкент жамоаси ғалабаси билан якунланди. Ўйиндан сўнг \"Бухоро\" жамоаси мухлислари бош ҳакамни ҳақорат қилувчи сўзлар айтишди.

Шунингдек, \"Бухоро\" жамоасининг бир футболчиси қўл ҳаракатлари орқали ўйин сотиб олинганлигини англатадиган имо-ишоралар қилди. У ҳакамни адолатсизлик ва пора олишда айблади.

Шуни таъкидлаш жоизки, одатда бундай хатти-ҳаракатлар учун футболчилар узоқ муддатли жазога тортилади. Шунингдек, мухлислар тартиб-қоидаларни бузган клубга ҳам тегишли санкциялар қўлланилиши мумкин.