Микел Артета: "Арсенал"ни тўхтатиб бўлмайди, деб ўйламайман

“Арсенал” бош мураббийи Микел Артета ўз жамоасини “тўхтатиб бўлмайдиган” деб ҳисоблаши ҳақида саволга жавоб берди.

“Йўқ, чунки биз кейинги рақибимиз қандай қийинчиликлар ва синовлар олиб келишини кўряпмиз. Биз ҳар уч кунда ўйин ўтказамиз ва тайёргарлик учун вақт жуда кам. Шунинг учун доимо яхши спорт формасида бўлишимиз керак.

Ҳозир ҳамма ўйинга тайёр, ҳамма синовларни қабул қилишга ва яна ғалаба қозонишга интилаётганини кўряпман”, - деди Артета матбуот анжуманида.

“Арсенал” Премьер-лигада пешқадамликни сақлаб турибди ва яқин таъқибчисини тўрт очкога ортда қолдирмоқда. Шанба куни Микел Артета жамоаси сафарда “Бёрнли”га қарши майдонга тушади.