Милан тўрт ҳужумчидан бирини танламоқда

Милан футбол клуби яна янги ҳужумчи қидириш ишларини давом эттирмоқда. Ўтган қишда \"россонери\" сафини 32 миллион евро эвазига сотиб олинган Сантьяго Хименес тўлдирган эди.

Аммо клубда мексикалик футболчининг ўйинидан қониқиш йўқ ва унга мос ўринбосар қидирилмоқда. Gazzetta dello Sport хабарига кўра, Италиянинг бу гранди клуби шорт-листга Йоханатан Буркардт (Айнтрахт), Жошу Зиркзи (Манчестер Юнайтед), Артём Довбик (Рома) ва Хоакин Паничеллини (Страсбург) киритган.

Ҳозирги вақтда Милан А Сериясининг турнир жадвалида тўққиз тур давомида 18 очко тўплаб, тўртинчи ўринни эгаллаб турибди. Якшанба куни Массимилиано Аллегри жамоаси \"Рома\"га қарши ўйин ўтказади.