Суперкомпьютер Чемпионлар лигаси ғолибини башорат қилди

Opta мутахассислари UEFAнинг асосий клублар турнирида жамоаларнинг имкониятларини ҳисоблаш учун суперкомпьютерни ишга туширишди. Ушбу машинадан Чемпионлар лигасида ким ғолиб бўлишини сўрашди.

Жавоб қуйидагича бўлди: Чемпионлар лигаси кубогини қўлга киритиш учун энг катта имкониятга \"Арсенал\" эга. Лондон жамоасининг ғолиблик эҳтимоли 23,53% деб баҳоланди.

Қизиғи, “канонирлар” музейида ҳали Европа чемпионлари кубоги йўқ ва улар Англия Премьер-лигасида охирги марта 2004 йилда чемпион бўлишган.

Иккинчи ўринда \"Бавария\" жойлашди. Унинг ғалаба қозониш эҳтимоли 14,33%.

Учинчи ўринда эса \"Манчестер Сити\" қайд этилган бўлиб, унинг имконияти 12,95% деб баҳоланди.

Кейинги ўринларда \"Ливерпуль\" (11,72%), \"ПСЖ\" (10,22%), \"Реал\" (4,7%) ва \"Барселона\" (4,24%) жойлашган.