Слот Вирцдан нималарни кутаётганини айтди

“Ливерпул” бош мураббийи Арне Слот ҳужумкор ярим ҳимоячи Флориан Вирц ҳақида фикр билдирди. “Флориан бир нечта позицияда ўйнай олади.

У чап қанотда ҳаракат қилиши мумкин – айнан ўша жойда у Хаби Алонсо қўл остида “Байер”да деярли доим ўйнаган. Бунгача эса у асосан “ўнлик” позициясида ҳаракат қиларди.

Бу ерда муҳим нарса унинг позицияси эмас, балки у энг хавфли зоналарда тўп билан бўлиши. Биз уни жарима майдонига яқинроқ бўлишини истаймиз – марказда ёки бир оз чапга ёки ўнгга силжиб, имконият қадар кўпроқ голли вазиятлар яратиши лозим,” – деди Слот матбуот анжуманида.

“Ливерпул” сафида Флориан Вирц 15 ўйинда майдонга тушиб, жамоадошларига учта голли узатма берган.