Ширер Шешкони кескин танқид қилди

Собиқ инглиз футболчиси Алан Ширер \"Манчестер Юнайтед\" ҳужумчиси Бенямин Шешкони \"Тоттенхэм\"га қарши кечган ўйиндаги (2:2) ҳаракати учун танқид қилди. \"Шешко яна муваффақиятсизликка учради.

У майдонга ярим соатдан кўпроқ вақт давомида тушди, лекин ҳеч нарса кўрсата олмади. Унинг ишонч билан боғлиқ муаммолари бор.

Шешко нима қилиш кераклигини билмагандек эди\", - деди Ширер \"Манчестер Ивнинг Ньюс\" нашрига берган интервьюсида. Шешко бу ёзда \"РБ Лейпциг\"дан \"Манчестер Юнайтед\" сафига қўшилган эди.

Словения терма жамоаси ҳужумчиси жамоа сафида 12 та ўйинда майдонга тушиб, 2 та гол ва 1 та голли узатма амалга оширди.