"Вулверхэмптон" янги бош мураббийини танлади

Роб Эдвардс расман \"Вулверхэмптон\" клубининг янги бош мураббийи этиб тайинланди. 42 ёшли мутахассиснинг тайинланиши ҳақида \"бўрилар\" матбуот хизмати хабар берди.

Эдвардснинг охирги ишлаган клуби \"Мидлсбро\" эди. У бундан аввал уч йил давомида \"Лутон Таун\" жамоасини бошқарган ва жамоани Англия Премьер-лигасига олиб чиққан.

Шунингдек, 2016 ҳамда 2018-2019 йилларда Эдвардс \"Вулверхэмптон\" тизимида ишлаган. Эслатиб ўтамиз, ҳозирда \"бўрилар\" Англия Премьер-лигасининг асосий аутсайдери ҳисобланади.

Жамоа жорий мавсумда бирорта ҳам ғалаба қозона олмаган, ҳисобида икки очко, еттита урилган гол ва 25 та ўтказиб юборилган гол бор. 17-ўриндан саккиз очко орқада қолмоқда.