Бавария Горетскадан воз кечмоқчи

Бавария ярим ҳимоячиси Леон Горетсканинг 2026-йилда клубда қолиши даргумон. Футболчининг амалдаги шартномаси мавсум якунунда тугайди ва Германия нашрларига кўра, янгиланмаслиги эҳтимоли катта.

Журналист Флориан Плеттенбергнинг хабар беришича, Бавария тажрибали ярим ҳимоячи билан хайрлашишни режалаштирган ва унга ўринбосар футболчи излашни бошлаган. Аммо бу борада якуний қарор ҳали қабул қилинмаган.

Горетска жамоанинг энг юқори маош олувчи футболчилари қаторига киради. Айнан шунинг учун Мюнхен клуби у билан шартномани давом эттирмасликка қарор қилган.

Жорий мавсумда немис футболчиси Венсан Компани бошчилигидаги жамоа сафида барча мусобақаларда 15 та ўйинда қатнашган бўлса-да, самарали ҳаракатлари билан ажралиб турган эмас.