Трент: Хаби Алонсо мени чалғитди

Мадриднинг \"Реал\" клуби ўнг қанот ҳимоячиси Трент Александр-Арнолд жамоада ўз ҳолатидан норози. Англиялик футболчи Испанияга кўчиб ўтган илк мавсумида асосий таркибда камдан-кам майдонга туширилаётгани сабабли хавотирда.

El Nacional нашрининг хабарига кўра, футболчи бош мураббий Хаби Алонсони уни биринчи учрашувда \"доимий равишда асосий таркибда бўласиз\" деб ваъда бериб, чалғитганликда айбламоқда. \"Реал\" Александр-Арнолдни ўтган йилнинг ёзида \"Ливерпул\"дан 10 миллион еврога сотиб олган эди.

Шундан бери футболчи барча мусобақаларда мадридликлар сафида 12 та ўйин ўтказиб, иккита голли узатма амалга оширди.